Lionel Messi blen një avion super luksoz me vlerë 15 milionë dollarë

Lionel Messi ka një avion të ri dhe luksoz në dispozicion të tij. Sipas “Doble Amarilla”, aeroplani, i cili kushton rreth 15 milionë dollarë, arriti dje në Aeroparque, vetëm me ekuipazhin.

Ai është blerë në Shtetet e Bashkuara, por ka një targë argjentinase. Siç është konfirmuar nga Doble Amarilla, avioni në fjalë është një Gulftream V, i madh dhe i gjatë, i prodhuar nga kompania Gulfstream Aerospace. Modeli i vitit 2004 ka 16 vende që mund të kthehet në 8 shtretër, dy banjo, njëra prej të cilave ka dush dhe dy kuzhina.

Në bisht të avionit është numri “10”, që e shoqëron gjithmonë në fushat e lojës yllin argjentinas. Një detaj shumë i rëndësishëm vjen nga shkalla e ngjitjes në aeroplan. Në secilën nga shkallëzimet, ai ka shkruar emrin e një anëtari të familjes, e cila është pjesa themelore e jetës së përditshme të yllit botëror. Kështu, emrat e Leo, Antonella, Thiago, Ciro dhe Mateo duken të shkruara në to.