Liverpooli fiton me “poker” dhe merr kreun, Salah tripletë dhe spektakël (VIDEO)

Liverpool vazhdon të dhurojë spektakël në Premier League. Skuadra e Jurgen Klopp shkatërroi 4-0 Bournemouth-in në transfertë, teksa protagonist ishte Mohamed Salah.

Sulmuesi egjiptian zhbllokoi ndeshjen që në minutën e 25-të. Ai përfitoi nga një grushtim i gabuar i portierit Begovic, ndërkohë që pozicioni i tij në fakt ishte në pozicion jashtë loje. Në fillimin e pjesës së dytë Salah shënoi golin e dytë pas një asisti të Firminos.

Në minutën e 68-të Cook shtyu topin në rrjetë, por për fatin e tij të keq në portën e tij. Në minutën e 77-të Salah shënoi një gol spektakolare me kundërsulm duke dribluar portierin dhe gjithë mbrojtjen kundërshtare. Liverpooli ngjitet përkohësisht në krye të renditjes me 42 pikë, 1 më shumë se City. /Koha Jone/