Luftëtari dhe Laçi mundin Partizanin dhe Tiranën në 45 minutat e para (VIDEO)

Tirana dhe Partizani e kanë mbyllur pjesën e parë në humbje në çerekfinalet e kthimit të Kupës së Shqipërisë. Luftëtari po fiton 1-0 ndaj të kuqve me një gol të shënuar nga Dunga në minutën e 34-t. Lucas Cardoso bëri një ndërhyrje të gabuar ndaj Rrapos dhe gjyqtari akordoi menjëherë penallti. Sulmuesi i gjirokastriteve nuk do të gabonte nga pika e bardhe. Me këtë gol, rezultati i përgjithshëm i ndeshjes shkon 3-1 dhe skuadra e kuqe duhet të shënojë 3 gola për t’u kualifikuar.

Laçi gjithashtu ka fituar minimalisht 1-0 pjesën e parë. Shtubina e çon rezultatin 1-0 duke i dhënë besim ekipit kurbinas se mund të realizojë përmbysjen e madhe. Shtubina i vetëm përballë Abibit nuk e ka të vështirë ta dërgojë në rrjetë pas një pasimi të shpejt, teksa tashmë për kurbinasit duhen edhe dy gola për të shkuar në shtesë.