Maggio “i zë vendin” Hysajt, por Sarri pritet ta aktivizojë mbrojtësin shqiptar në një pozicion të ri

Dëmtimi i rëndë i Ghoulam ka detyruar trajnerin Sarri që të bëjë ndryshime te Napoli. Ndeshja ndaj Chievos do të jetë testi i parë pa njërin nga lojtarët më në formë në Serie A.

Pikërisht, mbrojtësi shqiptar Elseid Hysaj do të bëhet “kurban” te lideri i Series A pasi që Sarri ka vendosur shqiptarin ta eksperimentoi në një pozicion të ri, atë të mbrojtësit të majtë,

Hysaj do të zhvendoset në krahun e majtë të mbrojtjes për të zënë pozicionin e Ghoulam. Në pozicionin e Hysajt, Sarri ka një alternativë tjetër, Christian Maggion. Ngelet për t’u parë sa do të përshtatet Hysaj në krahun e majtë, ndoshta ky manovrim i tillë pozicionesh do na duhet edh te kombëtarja nëse do jemi në rast emergjence dëmtimesh në mbrojtje.