Magjia e Iniestës, e nis me një gol spektakolar aventurën në Japoni (VIDEO)

Andres Iniesta e ka nisur në mënyrë më të mirë aventurën e tij të re, larg Barcelonës. Tashmë, edhe pse në Japoninë e largët, spanjolli ka shënuar golin e parë në Superligën japoneze, dhe jo një gol të zakonshëm.

Pasi mori një top në hyrje të zonës, Iniesta me një rrotullim magjik, la të shtangur mbrojtësin kundërshtar, teksa më pas shmangu edhe portierin, dhe zhbllokoi rezultatin, teksa shënoi edhe golin e parë me Visel Koben.