Maradona: Ja kush është trajneri më i mirë botë, prej tij dua të mësoj

Legjenda e futbollit botëror, Diego Armando Maradona duket se e ka marrë seriozisht punën e trajnerit në Meksikë te skuadra Dorados de Sinaloa.

Ky ekip militon në Kategorinë e Dytë dhe në drejtimin e Maradonës siguroi fazën “play-off” për një ngjitje të mundshme në elitën e futbollit meksikan.

Ndërkaq, Maradona po e shijon në maksimum punën e tij, madje deklaron se ka ende shumë për të mësuar dhe ka vendosur të marrë leksione prej Hoze Murinjos.

Ai shprehet: Për mua, Murinjo është më i miri në botë. Unë si trajner kam nevojë të mësoj akoma më shumë dhe për këtë arsye mendoj se do të shkoj në Mançester dhe të pyes Murinjon për shumë gjëra. Ai është më i miri padyshim”.