Maradonën nuk e mbajnë nervat pas humbjes së parë në Meksikë

Humbja e parë, në Divizionin e Dytë meksikan, për Dorados de Sinaloa që drejtohet nga Diego Armando Maradona. Pas fitores 4-1 në debutim kundër Cafetaleros de Tapachula, ish-ylli i Argjentinës dhe Napoli-t ka provuar shijen e humbje, ku u mund me rezultatin 1-0.

Argjentinasi kërkoi nga gjyqtari një penallti për prekje të topit me dorë nga lojtarët vendas brenda zonës, ndërkohë që në fund të takimit ai foli duke shprehur shqetësimin e tij.

“Nuk më pëlqen që të flas me gjyqtarët. Të dyja skuadrat kanë bërë ndeshje të shkëlqyer. Me një tjetër arbitër më të mirë, do të ishte një ndeshje e çmendur, ky i sotmi ka lënë shumë gjëra që të vijojnë dhe nuk ka respektuar as rregullat”, deklaroi Maradona.