Marcelo drejt Juventusit, Reali “piketon” super mbrojtësin spanjoll për ta zëvendësuar

Real Madrid është i interesuar për të nënshkruar me yllin e Chelsea-t, Marcos Alonso. Sipas “Tuttosport”, “Los Blancos” duhet të paguajë më shumë se 60 milionë euro për të bindur Blutë e Londrës për ta lënë të lirë.

27-vjeçari ka shkëlqyer në dy sezonet e fundit në Premier League. Real Madridi aktualisht nuk është i gatshëm të paguajë këtë çmim dhe Chelsea nuk janë të hapura për të shitur Marcos Alonso, veçanërisht për shkak se merkato e transferimit në Premier League është mbyllur dhe blutë nuk kanë ndonjë shans për të gjetur një zëvendësues për 27-vjeçarin, nëse ai bashkohet me hierarkinë në “Santiago Bernabeu”.

Sipas gazetës italiane, megjithatë, gjërat mund të ndryshojnë verën e ardhshme kur Juventusi mund të bëjë një përpjekje të re për të nënshkruar me Marcelo. “Tuttosport” shkruan se nëse Juventusi do të nënshkruajë me mbrojtësin brazilian për një tarifë rreth 50 milionë euro, atëherë Real Madrid do të pranonte të paguante 60 milionë euro për të nënshkruar me Marcos Alonso nga Chelsea