Marcelo ndjen nostalgji për Ronaldon: Na mungon diçka pas largimit të tij!

Pas largimit të Cristiano Ronaldos, Reali në sezonin e ri do të mbështet te kapiteni Sergio Ramos dhe i palodhuri Marcelo, por mesa duket trajneri Lopetegui nuk mendon kështu.

Trajneri e zëvendësoi brazilianin në minutën e 60-të, të ndeshjes së fituar ndaj Girona. Për herë të fundit braziliani ishte zëvendësuar  në tetor të vitit 2017.

Menjëherë pas ndeshjes, Marcelo tha: “Më habiti zëvendësimi, por respektoj vendimin e trajnerit. Mund të kisha vazhduar lojën sepse ndihem në 100% të mundësive të mia. Unë do të doja të luaja gjithmonë.

Cristiano Ronaldo? Ai është më i miri në botë dhe është e qartë se skuadrës tonë i mungon diçka nga largimi i tij”, deklaroi Marcelo.