Marotta dizenjon Interin e ëndrrave, ja “tripleta” që synon në verë

Beppe Marotta kërkon të marrë menjëherë në dorë Inter-in dhe synon ta bëjë këtë nëpërmjet merkatos. Ideja kryesore e Marotta-s dhe Ausilio-s është të bëjnë një tentativë me Cagliari-n për të marrë që në janar Nicolo Barella-n. Mesfushori 20-vjeçar shihet si lojtari ideal për të kompletuar mesfushën në këtë sezon. Një operacion që mund të ketë një kosto 40 milionë euro.

Blerja e dytë e madhe do të bëhet përsëri në  mesfushë, por do të realizohet në qershor dhe do të jetë e nivelit të lartë. Modric mbetet ëndrra, Milinkovic-Savic dhe Kroos alternativat. Avantazhi kryesor i zikaltërve për të realizuar këto operacione janë marrëdhëniet e mira që Marotta ka me klubet kryesore të Europës.

Pavarësisht përgënjeshtrimeve të bëra këto ditë, Spalletti nuk është zgjedhja e parë e Marotta-s dhe, me përjashtim të surprizave, drejtimin e ekipit milanez do të marrë Antonio Conte, sipas “Corriere dello Sport”.