Marquez triumfon në Spanjë dhe prenoton titullin kampion

Marc Marquez fiton Çmimin e Madh të Spanjës dhe shkëputet akoma më shumë në krye të klasifikimit të përgjithshëm nga ndjekësit e tij më të afërt. Përpara publikut të shtëpisë në Aragon kampioni në fuqi i botës hodhi një tjetër hap të sigurt drejt titullit të tij të 5-të Botëror. Marquez fitoi betejën me Dovizioson që e mbylli garën i dyti ndërsa në podium pas pothuajse një viti u ngjit edhe Andrea Iannone me Suzukin.

Tashmë diferenca mes Marquez dhe vendit të dytë që mbahet nga Dovizioso shkon në plot 72 pikë. Valentino Rossi në vështirësi serioze në këtë garë rikuperoi shumë pozicione për tu renditur i 8-ti në fund, ndërsa sërish i pafat Jorge Lorenzo me Ducatin tjetër pasi spanjolli u rrëzua që në kthesën e parë.