Mbappe si Usain Bolt dhe ‘predha’ e Cavani-t, Paris SG e përmbajtshme kundër Angers (Video)

Paris SG e ka mbyllur me avantazhin e thellë 0-3 pjesën e parë të ndeshje në “Ligue 1” kundër Angers. Miliarderët parisien nuk e kanë diskutuar për asnjë çast takimin edhe pse sot ishin në fushë me shumë mungesa duke përfshirë Neymar e Di Maria. Ndër të tjera klubi i sheikëve në takimin e sotëm ka dhuruar edhe spektakël.

Goli i tretë i shënuar në minutën e 30-të ishte për t’u veçuar. Një aksion model që nis me një pasë për Mbappe i cili me shpejtësinë e tij nuk i lë gjë mangut sprintierit Usain Bolt. Më pas 18-vjeçari në zonën e rreptësisë jep një asisit me finte për Cavani-n i cili lë pa shpresa portierin duke e goditur shumë fort topin.