Mbrojtësi i Lazios: Strakoshën e kam si vëlla, ai është i besueshëm

Thomas Strakosha vazhdon të jetë temë diskutimi, jo vetëm në Shqipëri, por edhe në Itali, ku portieri është kthyer në stërvitje me skuadrën e Lazios pas përjashtimit nga përfaqësuesja për dy ndeshjet e marsit. Gardiani shqiptar ka një lidhje të veçantë me të gjithë shokët e repartit.

Qendërmbrojtësi, Acerbi, në një intervistë të dhënë së fundmi ka rrëfyer marrëdhënien që ka me portierin e kombëtares sonë.

“Strakosha? Ai është i ri, i besueshëm, i aftë. Unë kam besim te ai, nuk kam pse të shqetësohem për shokët e mi të skuadrës, i besoj atij si ta kisha vëlla”, ishin fjalët e Acerbit.

Panucci e la jashtë listës Strakoshën, vetëm për faktin se nuk arriti në kohë për të marrë avionin për në Shqipëri.