Mbrojtësi i Romës pëson një aksident të frikshëm me makinë

Bruno Peres ka bërë një aksident të frikshëm në orët e para të mëngjesit të sotëm me makinë. Sipas policisë lokale në Romë, mesfushori i ekipit verdhekuq, ka humbur kontrollin e makinës së tij, Lambroxhini në orën 05:20 në zonën Terme di Caracalla.

Hetimet e policisë lokale po zhvillohen për të sqaruar dinamikën e incidentit në qendër të Romës. Hipoteza më e mundshme është se braziliani ka qenë i përgjumur në momentin e aksidentit dhe me një shpejtësi të lartë.

Peres është testuar edhe nëse ka qenë i alkoolizuar dhe pritet që ta dalin rezultatet. /Koha Jonë/