Mediat italiane: Panucci largohet nga Shqipëria, skuadra e Seria A që pritet të drejtojë

Christian Panucci mund të largohet nga drejtimi i kombëtares shqiptare. Kjo duke ju referuar lajmeve që raportojnë mediat italiane.

Sipas asaj që raporton “Il Messaggero”, trajneri italian pritet të rikthehet tek skuadra e Romës si zëvendësuesi i Di Françeskos. Media italiane njofton se në ditët e ardhshme mund të këtë një takim mes trajnerit dhe drejtuesve të Romës.

Trajneri i kombëtares shqiptare thuhet se do të jetë prezent në “olimpico” për të ndjekur ndeshjen mes Romës dhe Parmës dhe duket se kjo vizitë e tij shton edhe më shumë zërat për këtë lëvizje. Aktualisht, trajneri italian ka një kontratë me kombtëaren shqiptare e cila përfundon në vitin 2019.