Mediat izraelite: Shqiptarët nuk stërviten, një tjetër avantazh për ne

Shqipëria do të luajë sonte në mbrëmje ndeshjen e tretë në Ligën e Kombeve, teksa do të sfidojë Izraelin, në formë shumë të mirë pas fitores së të enjtes ndaj Skocisë.

Mediat izraelite janë shprehur se kombëtarja e drejtuar nga Christian Panucci nuk ka zhvilluar stërvitje një ditë para ndeshjes në stadiumin “Toto Turner”. Sipas tyre kuqezinjtë nuk kishin kohë për shkak të orarit, dhe sipas medieve të këtij vendi, ky do të jetë një avantazh më shumë mbrëmjen e sotme për Izraelin.

Mbrëmjen e sotme në stadium do të jenë të pranishëm 14 mijë tifozë që do të mbështesin izrealitët, ndërkohë që do të ketë edhe tifozë nga Shqipëria. /Koha Jone/