Menaxheri i Kroos: Për Haaland duhen 250-300 milionë euro!

Menaxheri i futbollistëve (mes shumë të tjerësh edhe i Toni Kroosit), Volker Struth, mendon se Erling Haaland do i kushtojë skuadrave që do të jetnë të interesuara për të deri në 300 milionë euro. Në intervistën për “Sport Bild”, ai evidenton se lëvizja mund të kryehet gjatë merkatos së verës.

“Haaland ka një klauzolë lirimi. E gjithë paketa, ku përfshihet gjithashtu paga pesëvjeçare dhe komisioni për menaxherin do të shkojë 250 deri në 300 milionë euro. Edhe nëse Bayerni do të kishte para, ata nuk do ta bënin. Do të bëhej skandal i madh nëse një lojtar në Gjermani do të fitonte 50 milionë”, deklaroi agjenti i Kroos.

Haaland, aktualisht i dëmtuar, iu bashkua Dortmundit në janar të vitit 2020 nga austriakët Salzburgut dhe ka kontratë deri në vitin 2024. Ka shumë klube të interesuara për nënshkrimin e tij, duke përfshirë Realin, Chelsea-n apo Barcelonën.