Mesfushori i kombëtares shkëlqen në Sllovaki, shënon super gol (VIDEO)

Kristi Qose, i cili aktivizohet në Sllovaki tek Ruzomberok, ka rezultuar vendimtar për fitoren e ekipit të tij, 3-2 ndaj Slovan Bratislavës.

Ruzomberoku po fitonte 2-1, ndërsa në minutën e 72-të, mesfushori i kombëtares shënoi një gol mjaft të bukur nga hyrja e zonës me të majtën, gol i tretë që në fund rezultoi vendimtar, pasi kundërshtari shënoi edhe të dytin në minutat e fundit të ndeshjes.

Me këtë fitore, ekipi i shqiptarit ngjitet në vendin e tretë, vend që të siguron edhe pjesëmarrjen në Europa League.