Mësohen tre ekipet e fundit për grupet e Championsit, surprizën e bëjnë serbët (VIDEO)

Benfica, PSV dhe Crvena Zvezda janë tre skuadrat e fundit që kanë siguruar një biletë për në grupet e Champions League.

Benfica u kualifikua falë fitore me “poker” në Greqi 1-4 ndaj PAOK. Portugezët e nisën ndeshjen në disavantazh që në minutën e 13-të pas golit të vendasve me Prijovic, por reagimi i tyre ishte menjëhershëm. Jardel, Salvio nga pika e bardhë dhe Pizzi shënuan tre gola në pjesën e parë, ndërkohë që në të dytën Salvio shënoi dhe golin e katërt. Ndeshja e parë ishte mbyllur 1-1 në Portugali.

PSV siguroi kualifikimin falë një tjetër fitoreje, këtë herë 3-0 në shtëpi ndaj BATE-s. Bergëijn, de Jong dhe Lozano ishin autorët e golave.

Crvena Zvzeda ndërkohë u kualifikua në mënyrë surprizë pasi barazoi 2-2 në Austri ndaj Salzburgut, teksa ndeshja e parë kishte përfunduar në barazim pa gola në Serbi. /Koha Jonë/