Messi largohet nga fusha i gjakosur, tifozët e United i kujtojnë Ronaldon (VIDEO)

Lionel Messi në mesin e pjesës së parë u largua nga fusha për të kërkuar ndihmë mjekësore. Tifozët e Manchester United ndërkohë nuk treguan aspak dhembshuri për argjentinasin.

Këta të fundit nuk kanë nguruar t’i këndojnë në kor, në këtë rast, “Viva Ronaldo”. Një tjetër “shuplakë” për kapitenin e Barcelonës, teksa u detyrua të dilte me fytyrën e gjakosur nga kuadrati i blertë i “Old Trafford”.

Pasi mori trajtim nga ekipi mjekësor i Barcelonës, në anë të fushës, mbështetësit e “Djajve të Kuq” shfrytëzuan rastin për ta sulmuar Messin, duke i kujtuar rivalin e tij më të madh, CR7, që mbetet idhull në Manchester.