Milani rigjen fitoren në Seria A, mund surprizën Sassuolo në transfertë (VIDEO)

Milani më në fund gjen fitoren pas tre ndeshjesh në Seria A. Kuqezinjtë kanë fituar në transfertën e vështirë të Sassolos në shifrat 4-1, me katër gola të shënuar nga jashtë zonës. Gattuso në këtë ndeshje nuk kishte asnjë sulmues kryesor, pasi mungonin si Higuain ashtu edhe Cutrone, i cili luajti vetëm në pjesën e dytë.

Ndeshja u zhbllokua në minutën e 39-të nga Frank Kessie, ndërkohë që në fillimin e të dytës do të ishte Suso që do të dyfishonte rezultatin. Dis minuta më pas do të vendoste firmën e tij edhe sulmuesi Castellejo, me një gol fantastik me të majtën.

Sassuolo u mundua që të rihapte ndeshjen në minutën e 68-të me Djuricic, por Milani shënoi edhe një tjetër gol me Suson, sërish me një goditje nga distanca. Kuqezinjtë ngjiten në vendin e 10-të me 9 pikë, por kanë dhe një ndeshje më shumë për të luajtur. /Koha Jone/