Ministri i Transportit në Angli thirrje tifozëve: Mos hajdeni në Londër për finalen!

Ministri i Transportit në Mbretërinë e Bashkuar Grant Shapps ka paralajmëruar tifozët që të mos përpiqen të udhëtojnë në Angli për finalen e së dielës. Anglia do të përballet me Italinë në finalen që do të luhet në stadiumin “Wembley”, ku priten 60,000 tifozë.

7500 bileta u janë shitur italianëve që banojnë në Britaninë e Madhe dhe Irlandë. Për të tjerët, në bazë të rregullave anti Covid, kërkohen 10 ditë karantinë.

“Ata që po mbërrijnë vetëm për ndeshjen nuk do të pranohen, shumë fluturime charter dhe fluturime direkte tashmë janë anuluar,” tha Shapps për “Times Radio”. /R.Lika-Koha Jone/