Moggi parashikon se si do ta mbyllë Juventusi sezonin në Seria A

Juventusi e ka nisur në mënyrë më të keqe të mundshme kampionatin me 2 barazime dhe 2 humbje në 4 javët e para të kampionatit. Ish-drejtori sportiv i bardhezinjve, Luciano Moggi mendon se bardhezinjtë nuk do të luftojnë për titull këtë sezon.

“Do ta mbyllin kampionatin në vend të pestë ose të gjashtë. Do të luftojnë për zonën Champions, por ai që mendon se mund të fitojnë titullin kampion, e ka gabim, ata nuk kuptojnë asgjë nga futbolli.

Juventusi e ka shumë problem mungesën e Cristianos. Allegri e di shumë mirë se ka firmosur me Juven për të rindërtuar ekipin. Interi? Kanë gjithçka për të përsëritur triumfin e vitit të kaluar”, theksoi Moggi.