Montella e di formulën e mposhtjes së Interit

Inter dhe Milan do të takohen në derbin e xhiros së Serie A.

Ky do të jetë ballafaqimi i 219 mes dy klubeve të të njëjtit qytet, ku zikaltërit kanë dy fitore më tepër se kuqezinjtë.

Por, trajneri i Rosonerrëve ka gjetur formulën se si të dal triumfues prej derbit Della Madoninna.

Strategu italian është i bindur se tashmë i ka idetë e qarta për ta mposhtur rivalin e rryer të skuadrës së tij.

“Derbi arrin në momentin e duhur. Kam idetë e qarta për ta fituar ndeshjen. Shtatë pikë diferencë midis Milan dhe Inter? Jemi vetëm në fillim”, pohoi Montella.

Ndryshe, Inter zë pozitën e tretë të ligës elitare italiane ndërsa Milan pozicionohet në të shtatin vend.

Theksojmë se ndeshja do të zhvillohet ditën e nesërme (e diell) me fillim në ora 20:45.