Morën vesh lajmin e dhimbshëm në fushë, trajnerit të Kaljarit i bie të fikët

Fytyra të shpërfytyruara, lot, duart në kokë: kështu u përjetua nga futbollistët e Kaljarit dhe Xhenoas në fushën e lojës lajmi i dhimbshëm për ndarjen nga jeta të kapitenit të Fiorentinës, Davide Astori.

Portieri Matia Perin ka vrapuar në dhomat e zhveshjev epër të shoqëruar presidentin e Kaljarit, Guilini, i cili nuk ndihej mirë. Kujtojmë që Astori u bë një emër i njohur në futbollin italian pikërisht me fanellën e Kaljarit, ku luajti nga viti 2008, deri në vitin 2016, për të kaluar më pas te Roma e Fiorentina. Shumë nga lojtarët aktualë të Kaljarit kishin luajtur përkrah tij ndërsa edhe trajneri i kësaj skuadre, Diego Lopez, kishte qenë edhe shokë skuadre, edhe trajner i tij.

Ndaj sapo ishte përhapur lajmi, Lopez kishte pësuar një gjendje të fikëti, duke alarmuar stafin mjekësor të skuadrës që kishte lajmëruar organizatorët e Serisë A që në një situatë të tillë do të ishte absurde të luhej.