Mourinho kërkon me ngulm sulmuesin shqiptar që po shkëlqen në Turqi

Vedat Muriqi mund të ndryshojë skuadër që në merkaton e janarit. Sulmuesi shqiptar po shkëlqen te Fenerbahçe duke tërhequr vëmendjen e shumë skuadrave të mëdha europiane.

Tottenham interesohet konkretisht për të me trajnerin Jose Mourinho që do të gjejë me patjetër një zëvendësues për Harry Kane.  Numri një i stolit e pranoi dhe në konferencën e djeshme për shtyp se nuk ka stol për ta zëvendësuar dhe po mendon për merkaton.

Shqiptari ka realizuar 10 gola në 14 ndeshje këtë sezon dhe ka dhuruar 3 asiste. Fenerbahce nga krahu tjetër ka rritur çmimin për Muriqin, pasi do të arkëtojë nga shitja e tij jo më pak se 20 milionë euro.