Mourinho një ndeshje larg shkarkimit, United nis kontaktet me Zidane

Humbjet me Brightonin dhe Tottenhamin, kanë bërë që të vihet realisht në diskutim e ardhmja e Jose Mourinhos në krye të Manchester United. Mediat angleze shkruajnë se aventura e tij te “Djajtë e Kuq”  është drejt fundit. Në rast se United do të humbë edhe 1 ndeshje në Premier League, do të vijë menjëherë shkarkimi për “Special One”.

Klubi nga Manchesteri nuk e kishte nisur ndonjëherë kaq keq kampionatin, që nga riformatimi i Premier League-s. Asnjë nga futbollistët nuk duket i gatshëm për të vënë dorën në zjarr për tranjerin e tyre. Portugezi nuk i ka të mira marrëdhëniet as me drejtuesit e klubit, sidomos me Ed Ëoodëard. Ky i fundit, nëse vendos të shkarkojë ish-trajnerin e Chelsea-t dhe Interit, do të detyrohet t’i paguajë një shumë prej 45 milionë paundësh për prishjen e kontratës.

Emri më i lakuar për stolin e United vazhdon të jetë Zinedine Zidane, i cili flitet se do të ishte shumë i lumtur në rast se do të niste këtë aventurë të re.