Mourinho parashikon Barcelona-Liverpool: Ky futbollist është fenomenal

Jose Mourinho nuk i ka kursyer fjalët e mira për Liverpoolin në prag të gjysmëfinales së parë të Champions League ndaj Barcelona-s. Strategu portugez beson se skuadra e Jurgen Klopp mund të fitojë trofeun e 6-të të Champions League këtë sezon.

“Forca e Liverpool është Virgil van Dijk, ai është fenomenal. Gjithashtu ata nuk ndalen dot së shënuari.  Më thuaj një ndeshje kur Salah, Firmino dhe Mane kanë luajtur që nga minuta e parë dhe Liverpool nuk ka shënuar.

Shanset për të kaluar në finale janë të barabarta, por unë mendoj se Liverpool është më mirë se sezonin e kaluar. Mendoj se nëse Barça luan ndeshjen e kthimit siç luajti ndaj Manchester United në Old Trafford do të ketë probleme”, deklaroi Mourinho.