Moxhi komenton shortin: Reali ka ndonjë shans më shumë, por vetëm kaq!

Ish-drejtuesi i bardhezinjve, Luçiano Moxhi ka komentuar shortin e Championsit për “Tuttomercatoweb.com” , teksa është përqendruar te sfida e Juventusit m Realin. Reali i Madridit ka fituar tre edicionet e fundit nga katër të tilla dhe në 2015-ën u ndal në gjysmëfinale pikërisht nga ekipi italian.

“Ishte një tjetër Juventus atëherë, të them të vërtetën, siç ishte edhe një tjetër Real Madrid. Ekipi spanjoll ka ndryshuar shumë dhe është i vështirë të menaxhohet nga Zidane. Me të flas shpesh në telefon.

Forma e rigjetur e Ronaldos, Marselos dhe kthimi i Modriçit, janë armët plus të Realit. Janë dy ndeshje për t’u luajtur dhe Juventusi natyrisht nuk niset i mundur. Do të jenë dy ndeshje shumë të luftuara dhe ndoshta spanjollët kanë ndonjë shans më shumë, por vetëm kaq”, ka thënë Moxhi.