Muçi i jep fitoren Shqipërisë U-19 në miqësoren ndaj Islandës

Talenti Ernest Muçi bëhet protagonist edhe me kombëtaren e 19-vjeçarëve. I ardhur në fushë nga stoli Muçi vendoset fatet e sfidës mes Shqipërisë U-19 dhe Islandës të zhvilluar në Roza Haxhiu.

Goli shumë i bukur i sulmuesit të Tiranës( stopim perfekt dhe kthesë e menjëhershme) i dha fitoren skuadrës së Erjon Bogandit në një ndeshje të cilën Shqipëria e 19-vjeçarëve e luajti më mirë dhe e kërkoi më shumë fitoren.

Ishte një ndeshje e ashpër dhe me kartona me Islandën që e mbylli sfidën me një lojtar më pak, me pak fjalë nuk ngjasonte fare me një miqësore në kuadër të përgatitjeve për sfidave zyrtare.