Murinjo thumbon pas fitores: Mundëm një ekip fantastik, çuditërisht …

Jose Murinjo nuk ka ngurruar që të ngacmojë kolegun  tij, Antonio Konte pas ndeshjes së fituar 2-1 ndaj Çelsit me përmbysje.  Të dy trajnerët, u takuan si para ashtu edhe pas ndeshjes, madje duke bërë edhe një shaka gjatë sfidës.

“Mposhtëm një skuadër fantastike, e cila çuditërisht ka dalë kampione sezonin e kaluar. Çuditërisht, ata luajtën ndaj Barcelonës ashtu si luajtën. Çuditërisht ata e filluan ndeshjen shumë mirë, ashtu siç e nisën edhe ndaj nesh.

Mundëm një ekip të mirë. Dhe të mundësh një ekip të mirë duhet të jesh i organizuar por gjithashtu një shpirt sakrifikues ku të gjithë punojnë, të gjithë luftojnë, të gjithë mundohen të ndjekin planin e ndeshjes. E përsëris, kemi mundur një ekip shumë të mirë”, u shpreh Murinjo për “Sky Sports”.