Napoli nuk ka më dyshime, Hysaj largohet këtë verë

Në Itali nuk kanë më as më të voglin dyshim. Elseid Hysaj po përgatit tashmë largimin në fund të këtij sezoni, e me shumë gjasë është në listën e shitjeve të skuadrës së Napolit. E gjithë kjo, për shkak të një prapaskene.

Sipas “Gazzetta dello Sport”, mbrojtësi i Kombëtares shqiptare nuk ka pranuar që të jetë zëvendësues në skuadër, ndaj dhe ka ardhur ky vendim për largimin e tij.

Deri më tani, dy janë pistat që shtrohen për të ardhmen e mbrojtësit kuqezi: Roma dhe Interi, ekipe që kanë shprehur me kohë dëshirën për të pasur shërbimet e shkodranit. Drejtuesit e Napolit nuk kanë ndërmend që t’i ofrojnë rinovimin e kontratës. Ndërkohë që trajneri Ancelotti e ka kthyer në një zgjedhje të dytë apo të tretë në skuadër, duke treguar se në të ardhmen vendi i tij në Napoli do të ishte në stol.