Ndryshime në strukturat drejtuese, dorëhiqet drejtori i Kamzës

Andi Matraxhiu nuk do të jetë më drejtor sportiv i klubit të Kamzës. Burime bëjnë me dije për “newsport” që ai ka dhënë dorëheqjen nga posti që mbante për shkak të mungesës së rezultateve në ndeshjet e fundit.

Pas largimit të Klodian Duros, tashmë është radha e drejtorit sportiv të largohet nga klubi kamzali.

Matraxhiun falënderoi drejtuesit për besimin që i dhanë, por në fund theksoi se gjithçka doli jashtë pritshmërive dhe në këto kushte u detyrua të jepte dorëheqjen.

“Po është e vërtetë që jam larguar nga klubi i Kamzës. Pas një bashkëbisedimi që pata me drejtuesit, vendosa të dorëhiqem. Arsyeja ka të bëjë me mungesën e rezultateve, ku edhe unë mbaj përgjegjësitë e mia. I uroj Kamzës suksese në vazhdimësi dhe e theksoj që do vijoj të jem tifoz me atë ekip.

Gjithashtu dua të falënderoj edhe presidentin Naim Qarri për mundësinë që më dha duke më ofruar postin e drejtorit sportiv. Më vjen keq që gjërat dolën jashtë pritshmërive”, përfundoi ai.