Nga ferri në parajsë/ Donnarumma pret penallti, Piatek shënon për Milanin (VIDEO)

Milani lufton për një vend në Champions League për sezonin e ardhshëm, por po zhvillon një ndeshje shumë të dobët ndaj Frosinones. Madje kuqezinjtë rrezikuan që të ishin në disavantazh në minutën e 50-të.

Paganini u rrëzua në zonë nga Abate teksa gjyqtari drejtoi gishtin nga pika e bardhë. Cano mori përsipër ekzekutimin e tij, por ai do të ndalej nga hedhja spektakolare e Donnarumma-s.

Kjo pritje i dha zemër kuqezinjve që gjetën golin e avantazhit në minutën e 57-të me Piatek që devijoi topin në rrjetë me fat.