Nga Ronaldo te Fabregas, Gattuso flet për merkaton e Milanit

“Për Ronaldon, e dija edhe unë. Ishte mundësia dhe gjithçka që është thënë është e vërtetë. Por ka edhe gjëra thuhen gjysmë”. Kështu është shprehur Rino Gattuso në prag të ndeshjes së radhës në kampionat duke ju referuar tratativave për afrimin e portugezit te Milani.

“Fabregas? Është normale që më pëlqen, ashtu si Modric, Kante dhe emra të tjerë të mëdhenj, por këto pyetje janë për Leonardon dhe Maldinin. Unë flas me ta për këto gjëra vetëm nëse janë të realizueshme 80-90 për qind. Por qarkullojnë shumë emra, Fabregas më pëlqen, por nuk ka asgjë konkrete ndaj rrini të qetë”, deklaroi strategu i kuqezinjve duke referuar zërave të merkatos. /Koha Jone/