Nuk fituan titullin, tifozët e Napolit marrin një vendim befasues për sfidën e fundit

Napoli nuk arriti që të fitonte titullin kampion këtë sezon, pavarësisht se për një pjesë të mirë të sezonit ka rivalizuar Juventusin. Pavarësisht dështimit, tifozët e të kaltërve duan të përshëndesin ekipin më mënyrën më të mirë të mundshme.

Ndeshja e fundit e sezonit në Serinë A për Napolin do të jetë ajo kundër Krotones në “San Paolo”. Klubi napolitan lajmëroi sot, se që në ditën e parë të daljes së biletave në treg, janë shitur plot 28 mijë bileta.

Ndeshja do të luhet të dielën në orën 18:00 dhe stadiumi do jetë në kapacitetin e tij maksimal për të respektuar lojtarët për sezonin fantastik. Një gjest për t’u përshëndetur, pasi ndodh rrallë që të shohësh në Itali një veprim të tillë.