Nuk preferohet nga Guardiola, Sane përfundon në radarët e gjigantit Europian

Largimet e Arjen Robben dhe Franck Ribery kanë krijuar një boshllëk të madh te Bayern Munich.

Dhe për të gjetur pasuesit e sulmuesve anësor, kampionët e sapo shpallur të Bundesligës kanë shfaqur interes për yllin e Manchester Cityt. Siç shkruan “Kicker”, Leroy Sane shihet si zëvendësuesi ideal i tyre dhe bavarezët kanë nisur të përpilojnë ofertën.

Minutat e pakta te “Qytetarët” mund ta shtyjnë gjermanin që të pranojë ofertën e Bayern. 23 vjeçari nuk ka qënë një pjesë thelbësore në këtë sezon, duke humbur vendin e titullarit. Gjithsesi, kartoni i tij është shumë i shtrenjtë për Bayern, që duhet të paguajnë rreth 70 milionë euro.