Pakult i kënaqur pas fitores në Turqi: Mundëm vendin e 5 në Turqi!

Kukësi e nisi mbarë aventurën në Turqi, teksa skuadra verilindore mundi 2-1 Kaiserisporin 2, falë golave të Peposhit dhe Shametit. Duke folur pas ndeshjes trajneri i ri i kampionëve të Shqipërisë është shprehur i kënaqur.

“Ishte një njohje me lojtarët në këtë ndeshje miqësore. Mendoj se bëmë më të vërtetë një ndeshje shumë të mirë. Kishim kundërshtar një ekip, siç është Kaiserispori, i cili renditet në vendin e 5 të ligës së Turqisë. Jam i kënaqur me lojën që zhvilloi sot ekipi. Nuk na ngelet gjë tjetër veçse të vazhdojmë me punën e mirë dhe të përgatitemi për sezonin”, u shpreh Peter Pakult në një prononcim për faqen zyrtare të klubit pas ndeshjes.