Panuçi “diktator”, tmerron lojtarët në stërvitje: Qepeni!

Kombëtarja shqiptare ka nisur grumbullimin për dy ndeshjet e radhës, ndaj Izraelit dhe Skocisë.

Krstian Panuçi ka filluar ta ndjejë presionin e rezultateve negative dhe ndryshe nga çka jemi mësuar të shikonim gjatë grumbullimeve të mëparshme, tashmë ka vendosur rregulla të reja.

Gjatë grumbullimit apo edhe gjatë përgatitjeve, shumë rëndësi për Panuçin ka sjellja e lojtarëve. Ai kërkon me rigorozitet që lojtarët të jenë të përqendruar vetëm te puna.

Edhe gjatë seancës së djeshme përgatitore, në kohën kur lojtarët pëshpëritnin me njëri-tjetrin, dëgjohej “sta cito!” (qepe!) e Panuçit.

“Veloce-veloce-veloce!” dëgjoheshin britmat e italianit duke kërkuar ritëm dhe saktësi gjatë kryerjes së ushtrimeve.