Partizani paguan gjobën për Trashin dhe Bathën, gati ndaj Skënderbeut

Partizani ka vendosur që të paguajë gjobën për dy mesfushorët Lorenc Trashi dhe Idriz Batha. Dy futbollistët e të kuqve do të jenë të gatshëm për kryendeshjen e kësaj fundjave me Skënderbeun.

Ata ishin dënuar me dy ndeshje pezullim nga Komisioni i Disiplinës dhe ashtu siç pritej, pasi shlyen takimin e parë në sfidën me Kukësin, klubi do të shfrytëzojë dritaren që ofron rregullorja për të konvertuar në gjobë financiare gjysmën e mbetur të skualifikimit.

Për sfidën e së shtunës, trajneri Sulejman Starova nuk do të ketë në dispozicion Kalarin dhe Telushin, ndërkohë që Çani vijon të mos jetë i gatshëm.