Partizani rrëmben fitoren e dytë në kampionat, mund minimalisht Kastriotin (VIDEO)

Partizani konfirmon momentin pozitiv që po kalon në kampionat duke rrëmbyer fitoren e dytë në tre ndeshjet e para në kampionat. Skuadra e Gegës ka fituar ndaj Kastriotit minimalisht 1-0.

Fillimi i ndeshjes ishte mjaft i mirë për të kuqtë që gjetën golin që në minutën e 13-të. Mala del mjaft mirë në një kundërsulm në krahun e majtë, tenton dy herë të nis topin në krahun e djathtë, atje ku Asani e ka të thjeshtë për ta shtyrë në rrjetë.

Partizani ngjitet në kuotën e 6 pikëve, momentalisht në vendin e tretë. /Koha Jonë/