Pas “skuqjes” së Ronaldos, vjen edhe reagimi i pritshëm

Ndëshkimi i Cristiano Ronaldos me karton të kuq në ndeshjen e parë të Ligës së Kampionëve kundër Valencias, ka ngjallur debate dhe është bërë temë e nxehtë në median sportive.

Në mbrojtje të Ronaldos së fundmi ka dalë edhe presidenti i Juventus, Andrea Agnelli, i cili i ka shprehur mbështetje të plotë të fituesit të 5 “Topave të Artë”.

Bosi i skuadrës torineze, i ndodhur në pozita jo të favorshme, ka deklaruar se skuadra e tij ka një qëllim ty prerë. Në mesazhin e tij të shkurtër thuhet: “Një për të gjithë dhe të gjithë për një”.

Në ndeshjen e parë të Juventus në Ligën e Kampionëve, të gjithë prisnin të shihnin golin e portugezit, por vendin e tij e “zuri” kartoni i kuq, i dhënë në minutën e 29.