Pasuesi i Luis Suarez mund të jetë talenti i Celta Vigos (VIDEO)

Pasuesi i Luis Suarez te Barcelona mund të jetë një tjetër uruguaian. Klubi katalan ka vënë në shënjestër të riun Maxi Gomez të Celta Vigos, i cili vijon të shënojë rregullisht dhe ndërkohë pëlqehet edhe nga Atletico Madrid.

Emisarët e Barcelonës e kanë ndjekur në disa ndeshje dhe kanë mbetur të kënaqur me performancën e 22-vjeçarit, i cili ka kontratë deri në vitin 2022 me Celta Vigon.

Duket se Gomez e ka kaluar provën dhe është në drejtim të “Camp Nou” për sezonin e ardhshëm në një operacion që mund të kushtojë deri në 40 milionë euro.