Perez injoron Ronaldon, ja deklarata e tij për “Topin e Artë”

Presidenti i Real Madridit, Florentino Perez ka folur menjëherë pasi Modric u shpall fituesi i “Topit të Artë”.

Në ceremoninë gala të organizuar në Paris, numri një i “galaktikave” përgëzoi kroatin për këtë çmim, shkruan SYRI.net.

Por gjatë deklaratës Perez në një farë mënyre ka “injoruar” Ronaldon pasi ka thënë se ndër vite lojtarë të rëndësishëm të Realit kanë triumfuar në çmimin e “Topit të Artë”.

“Përgëzoj Modriç për këtë sukses. Jam i nderuar që jam këtu mes jush. Prej vitesh shumë lojtarë që kanë veshur fanellën e Realit kanë fituar një trofe kaq shumë prestigjioz siç është “Topi i Artë”, tha shkurtimisht Perez.

Kujtojmë që Perez nuk i ka përmendur emrin Ronaldos, i cili gjatë 9 viteve karrierë tek Reali triumfoi 4 herë në këtë çmim.