Pësoi atak kardiak në stërvitje, humb jetën futbollisti 17-vjeçar belg

Një ngjarje e dhimbshme ka tronditur futbollin ditën e djeshme pasi një 17-vjeçar është ndarë nga jeta teksa po stërvitej me ekipin e tij. Joel Lobanzo, futbollist i skuadrës belge të Rojal Antverp ka humbur jetën si pasojë e një ataku kardiak. Adoleshenti i cili po stërvitej me ekipin U-19 është dërguar menjëherë në spital por fatkeqësisht nuk ka arritur që të jetojë.

Gjatë një deklarate, klubi i Rojal Antverp ka thënë: “Ky është një lajm i tmerrshëm. Sapo kemi humbur një prej talenteve më të mira në skuadrën U-19. Lobanzo ka pësuar një atak kardiak dhe nuk ka mundur ta fitojë betejën.”