Peticioni i çuditshëm, tifozët duan burgosjen e futbollistit shqiptar

Paraqitjet zhgënjyese të Shkodran Mustafit me fanellën e Arsenalit kanë irrituar në maksimum tifozët londinezë të cilëve u është sosur durimi.

Ditën e djeshme në humbjen 2-3 ndaj Cristal Palace, Mustafi bëri një gabim trashanik në golin e dytë të Zahas.

Kjo gafë duket se i vuri kapakun dhe tashmë po i kushton shtrenjtë futbollistit me origjinë shqiptare.

Tashmë, 27-vjeçari, po masakrohet në rrjetet sociale nga tifozët e Arsenalit, të cilëtkanë hapur një peticion të çuditshëm në rrjetet sociale.

Ata duan burgosjen e përjetshme të Shkodran Mustafit, teksa kërkohen 500 firma. Si duket aventurës të Mustafit te Arsenali i ka ardhur fundi.