Philadelphia fitore historike ndaj England Patriots në Super Bowl (VIDEO)

Philadelphia Eagles shkakton surprizën dhe fiton edicionin e 52 të finales së Super Bowl. Në US Bank Stadium, Eagles mposhti skuadrën që ka krijuar dinastinë e saj në NFL, New England Patriots 41-33.

Këtë radhë skuadra nga Bostoni dhe qendërmbrojtësi i saj Tom Bredi nuk ia dolën të bëjnë një përmbysje të rezultatit pavarësisht se 40-vjeçari i Patriots theu rekordin e tij përsa u përket yardëve për pasim, 505.

Kjo sepse mbrojtja nuk e ndihmoi aq sa duhej dhe sepse përballë kishte Nik Fols që ishte i papërmbajtshëm që u shpall MVP i Super Bouls. Filadelfia zhvilloi një ndeshje praktikisht perfekte përballë gjigantëve të New England.

Dy periodat e para Eagles i mbylli me avantazhin 22-12 me Folss që pothuajse nuk gaboi asgjë madje arriti të shënojë edhe touchdown, ndërkohë që Brady bënte gabime të pazakonta për të. Megjithatë New Englands tregoi se di të reagojë dhe të rikuperojë në rezultat.

Në fillimin e periodës së 4, Patriots mori për herë të parë kryesimin në rezultat 33-32. Pikërisht në momentin më të mirë të kampionëve nga Bostoni, Eagles rimori avantazhin në 38-33 falë një touchdown të Ertz i lëshuar në zonë nga Folss që regjistroi 400 yardë pasimi për 3 touchdown, shkruan Top Channel.

Pak caste më vonë Brady humbi topin në aksionin vendimtar, top të cilin ia rrëmbeu Graham. Ndeshja u mbyll me një field goal për Philadelphia që fiksoi shifrat në 41-33.