Pirlo: Juvja e kalon Ajax-in edhe pa Ronalon

Ish-mesfushori i Juventusit, Andrea Pirlo beson se Juventusi mund ta kalojë pa probleme Ajax-in edhe pa ndihmën e Ronaldon. Në një bisedë telefonike për “Radio DeeJay”, ai komentoi edhe duelin mes Juventusit dhe Milanit.

“Biglia dhe Bakayoko janë dy lojtarë të ndryshëm. Në këtë momente Milani ka nevojë për një lojtar me më shumë muskuj si Bakayoko. Gattuso është gjithmonë i sinqertë, mendon të bëjë vetëm punën e tij në mënyrën më të mirë të mundshme.

Mungesa e Ronaldos në Champions? Juventusi humb, sigurisht, sepse CR7 në ndeshje të tilla është përcaktues, por mendoj se Juventusi është në gjendje ta mundë Ajax-in edhe pa portugezin. Ndërsa Allegri, ka treguar vlerat e tij dhe çdo vit përmirësohet. Tani është një nga trajnerët më të mirë në qarkullim”.