Pirlo: Perisic një sllav klasik, futbollist pa vazhdimësi

Andrea Pirlo ka bërë një analizë të Inter për “Sky Sport”. Zikaltrit po kalojnë një moment të mirë forme dhe të mërkurën në mbrëmje kanë marrë fitoren e dytë radhazi në Champions League.

“Interi është një skuadër që ka nevojë për besim dhe në këtë moment duket se e ka gjetur. Champions është një kompeticion që të ndihmon të jesh i përqendruar në 100 për qind.

Ndonjëherë zikaltrit tregojnë disa mangësi në kampionat, duke bërë gabime që mund të shmangen. Ivan Perisiç? Është lojtari klasik sllav që nuk ka vazhdimësi. Bën paraqitje të mëdha dhe të shëmtuara, disa herë edhe gjatë një ndeshjeje të vetme”, ka thënë Pirlo.