Po shkëlqen në Angli, Deulofeu: Me Guardiolën ishte e tmerrshme te Barcelona

Gerard Delofeu ishte heroi i Watfordit në përballjen ndaj Wolves, duke i siguruar skuadrës së tij finalen e FA Cup. I aktivizuar në pjesën e dytë, spanjolli arriti të shënonte 2 gola, duke përmbysur rezultatin. Në një intervistë për “Cadena Ser”, Delofeu veç të tjerave ka folur edhe për sfidën që e pret ndaj Manchester City-it në finale, si dhe eksperiencën me trajnerin Guardiola, gjatë kohës që ishte pjesë e Barcelonës.

“Jam i lumtur, do të na duhet të vuajmë, do të jetë finale e vështirë, por ata do të mbërrijnë të lodhur, sepse po luftojnë si në Champions, ashtu edhe Premier League.

Përballja me Guardiolën? Kur fola dikur për agresivitetin e tij, i referohesha intensitetin në stërvitje, e jeton ndryshe nga të tjerët. Ajo që përjetova me Guardiolën ishte e tmerrshme, por ishte për mua një trajner i veçantë. E pata pak, aq sa më shpjegoi ato katër gjëra. Do të ishte e mrekullueshme të kthehesha të luaja për të, por vështirë të ndodhë”, deklaroi Delofeu.